78

Israel tuanbia in fimnak hna

78 1 Ka mi hna, kan cawnpiaknak hna hi ngai tuah u, ka chim mi hi `ha tein ngai tuah u. 2

Biazai in nan sin ah bia ka chim lai i hlan biathuk hna cu ka phuan hna lai.

3 Kan rak theih i kan rak hngalh mi, kan pupa hna nih an rak kan chimh mi hna cu 4 an tefa

hna sin in kan thup lai lo, a ra lai mi chan tiang kan chim lai:

Bawipa le a `hawnnak thang`hatnak hna, a rak tuah mi khuaruahharnak hna cu kan chim lai.

5 Jacob ah tehte a dirh i Israel ah phunglam a ser, an tefa hna sin chanhchin ding in kan

pupa hna cu nawl a pek hna, 6 cucu a ra lai mi chan, a chuak rih lo mi fale hna, nih an hngalh

nakhnga caah a si.

7 An fale hna cu an chimhchin hna, cucu Pathian kha i bochan, Pathian tuah mi thil lianngan

hna kha philh lo in a nawlbia cu zungzal in an zulh nakhnga caah a si. 8 Annih cu an pupa

hna bang an si lo, a lung a khong i chimh an ngai lo, tinhnak an ngei lo i Pathian cung ah an

lung a hmun lo.

9 Fei a tlai mi Efraim fapale hna cu ral tuk tik ah an mei an nawh i an le. 10 Pathian

biakamnak an zul hna lo, a Phungbia cu an zul duh lo; 11 a rak tuah mi thil lianngan hna, a

rak hmuhsak hna mi hmelchunhnak hna, 12 an pupa hna hmaika ah, Izipt ram Tanis nelrawn

ah, a rak tuah mi khuaruahharnak hna kha an philh diam.

13 Rili kha a cheu i a rak tanpi hna, tiva cu tili bang a dilter; 14 chun ah khuadawm in, zan ah

mei tompi in a hruai hna;

15 Thetse ram ah khan lungpi cu a cheu i ti cu an diriam in a dinter hna; 16 lungpang in cerhti

a pawtter, ti cu tisur bang a luanter.

17 Sihmanhsehlaw annih tu cu an sual chinchin, ramcar chung ah khan Cungnung Bik i nawl

kha an buar. 18 An hngal na buin Pathian cu an zuamcawh i an duh zat in rawl cu an hal.

19 ‘Pathian nih thetse chung ah rawldanghnak a tuah kho maw?’ tiin Pathian cu an serhsat. 20

A hmaan, lungpi cu a tuk tik ah ti cu tisur bang an tla; a si ah, changreu tah a pe kho lai

maw? a mi hna ca ah sa cu a chuahpi kho lai maw?’ tiah an ti.

21 A theih tik ah Bawipa cu a thinhun aa sum kho ti lo, Jacob cu mei nih a hlio, a thin linhnak

cu Israel cung ah a si, 22 zeicahtiah Pathian kha an zum lo, a khamhnak huham cu an i

bochan lo.

23 Cutin a si ko nain cungvan hna cu nawl a pek hna, van sui kutka cu a hun hna; 24 anmah

kha cawm awk ah manna cu a surter, van changreu kha a pek hna, 25 minung menmen nih

Cungnung Bik changreu cu an ei, rawl cu an duhzat in a pek hna.

26 Van hna ah khin nichuahlei thli cu a thawhter, thlanglei thli cu a `hawnnak in a thlah; 27 Sa

cu leidip bang an cung ah a surter, vate cu rilikam ah khan thetse tluk in an chah, 28 an

riahbuk laifang le an umnak pawngkam tiang an rak i pum.

29 An ei khawh chung a eiter hna, an duhhamnak kha a riamter, 30 sihmanhsehlaw an

duhhamnak cu a riam rih lo, an kaa chung rawl a um rih ko lio ah cun, 31 Pathian thinhunnak

nih a den hna, an mi pa `hawng`hawng hna cu a thah hna, Israel par cu vawlei ah a ril ko.

32 Hiti hin a si buin, an sual rih ko, a hmelchunhnak cu an zum kho rih lo. 33 An nikhua cu

minmei lak ah a lohter i an nunnak cu hmakhatte ah a rawhter. 34 A den hna poh ah amah cu

an kawl, an i mer i amah cu biatak tein an kawl, 35 an lungpi Pathian, Cungnung Bik Pathian,

an tlanhtu, cu an hung hngalh `han.

36 An kaa in amah kha hlen an i zuam, an lei nih lihbia a chim, 37 a cung ah zumhtlak in an um

lo, a biakamnak kha an zul lo.

38 Sihmanhsehlaw a zaangfah hna caah annih kha thah lo in an sualnak tu a ngaihthiam

hna, a thinlinhnak cu a dih-um thlah lo in atu le atu a thin aa sum, 39 annih cu thisa in ser mi

an si, a liam i a kir bal ti lo mi thli voikhat chem men an si cu a philh lo.

40 Thetse ram chung ah khan voi zeizat in dah a nawl cu an rak buar! Ramcar chung ah

khan voi zeizat in dah a ngaih an rak chiatter! 41 Atu le atu an rak zuamcawh, Israel i a

Thiang mi Bawipa cu a thin an rak phawh, 42 anmah a rak hremtupa sin in a rak khamh hna

lio i a kut kha an philh diam cang,

43 Amah cu Izipt ah khuaruahharnak le Tanis nelrawn ah hmelchunhnak a rak tuahtu a si,

44 an ti le an tiva hna cu thisen ah a canter hna caah din awk an rak ngei lo.

69

45 Annih kha ei dih awk le hrawh dih hna awkah tho ngan pipi le uttlak cu a thlahhnawh hna,

an thlairawl cu khaubawk ngan pipi hna le 46 an rianhar theitlai hna cu lunghmul hna kut ah a

chanh hna.

47 An mitsur cu rialti hna in le an sikamo kung hna cu hawrha hna in a thah hna, 48 an sa`il

run hna cu rial le an tuurun hna cu `ek in a thah hna.

49 A thinlinhnak, a thinhunnak, a lungtlin lonak, rawhralnak dih um a si mi hrawktu vanmi phu

kha a thlahhnawh hna, 50 a thinhunnak cu a pelte hmanh aa sum lo. An pum hmanh kha

thihnak in zuah lo in ngal-eu zawtnak ah a chanh hna. 51 Izipt ram i fater vialte, Ham thlam i

mino pardawh hna kha a den dih hna.

52 A mi cu tuufa bang a chuah hna i tuurun bang thetse ram chung ah khan a hruai hna, 53 rili

nih an ral a khuh hna lio ah a mi cu himte le `ihphannak um lo in a hruai hna.

54 Annih cu a ram thiang, a orhlei kut in a rak tei mi tlangram ah a hruai hna; 55 an hmai i

miphun hna cu a chuah hna, anmah ca ah roram hmunkhat cio a tahpiak hna i Israel phun

cu an thlam ah a umter hna.

56 Sihmanhsehlaw Cungnung Bik Pathian cu an zuamcawh i a nawl an buar rih, a nawlchuah

kha an ngai duh lo; 57 an pupa hna bantuk in an zer i rawi an hmang, a rawk mi fei bang an

duhduh in an nung, 58 an khuahrum bo hna in a thin an phawh, an sialsal hna in

nahchuahnak lungthin an ngeihter.

59 Pathian nih a theih i a thin a hung, Israel cu a hlawt dih cikcek; 60 Shiloh i a umnak inn cu a

chuahtak.

61 A `hawnnak cu salcannak ah, a sunparnak cu ral hna kut ah a chanh, 62 a mi cu vainam ah

a chanh hna, a roco lila hna cung ah a thinhunnak a tlunter.

63 Mei nih an tlangval no cu a kangh hna, an nungak hna cu `hitumnak-hla an sa kho ti lo; 64

an tlangbawi hna cu vainam in an thi i an nuhmei hna nih `ah-hla an sakpiak hna lo.

65 Bawipa cu a rak i hngilh mi bang le mitsur zu a mawng mi mi`hawngpa bang a tho, 66 a ral

cu an keng ah a den hna i zungzal ca ningzahnak a huahter hna.

70

67 Josef thlam cu a hlawt, Efraim miphun cu a lanhtak i 68 Judah phun le a dawt mi Zion tlang

cu a umnak ah a thim; 69 a hmun thiang cu tlangsang bantuk le fek tein a hram bunh mi

vawlei bang in a dirh.

70 David cu a sal ca ah a thim, a tuu run chung le tufa tete hna a khalhnak in a kawh, 71 a sal

Jacob le a roco Israel kha cawngh awk ah a si.

72 Annih kha lung thiang tein a cawngh hna i a kutnem in a hruai hna.