136

Lunglawmh thlacamnak

Alleluia!

136 1 Bawipa cu a `hat caah lawmhnak pe tuah u, zeicahtiah a fek mi a dawtnak cu

zungzal in a hmun.

2 Pathian hna Pathian cu lawmhnak pe tuah u, zeicahtiah a fek mi a dawtnak cu zungzal in a

hmun.

3 Bawi hna i Bawi cu lawmhnak pe tuah u, zeicahtiah a fek mi a dawtnak cu zungzal in a

hmun.

4 Amah lawng nih khuaruahharnak cu a tuah hna, zeicahtiah a fek mi a dawtnak cu zungzal

in a hmun.

120

5 Fimnak in van cu a ser hna, zeicahtiah a fek mi a dawtnak cu zungzal in a hmun. 6 Vawlei

cu rili cung ah fek tein a chiah, zeicahtiah a fek mi a dawtnak cu zungzal in a hmun.

7 Ceunak nganpi hna cu a ser hna, zeicahtiah a fek mi a dawtnak cu zungzal in a hmun. 8

Chun uktu ah nika a ser, zeicahtiah a fek mi a dawtnak cu zungzal in a hmun. 9 Zan uktu ah

thlapa le arfi cu a ser hna, zeicahtiah a fek mi a dawtnak cu zungzal in a hmun.

10 Izipt fater cu a thah hna, zeicahtiah a fek mi a dawtnak cu zungzal in a hmun.

11 Anmah hna sin in Israel cu a chuah, zeicahtiah a fek mi a dawtnak cu zungzal in a hmun.

12 A `hawng mi a baan cu a samh, zeicahtiah a fek mi a dawtnak cu zungzal in a hmun.

13 Hluang Rili cu cheuhnih ah a cheu, zeicahtiah a fek mi a dawtnak cu zungzal in a hmun. 14

Israel cu a laifang in a tanter, zeicahtiah a fek mi a dawtnak cu zungzal in a hmun. 15 Cun

Faro le a ralkap vialte cu ti ah a thlak hna, zeicahtiah a fek mi a dawtnak cu zungzal in a

hmun.

16 A mi cu thetse ram lam in a hruai hna, zeicahtiah a fek mi a dawtnak cu zungzal in a

hmun.

17 Siangpahrang `hawng`hawng kha a thah hna, zeicahtiah a fek mi a dawtnak cu zungzal in

a hmun.

18 Siangpahrang minthang hna cu a nawn dih hna, zeicahtiah a fek mi a dawtnak cu zungzal

in a hmun. 19 Amormi hna siangpahrang Sihon cu a thah, zeicahtiah a fek mi a dawtnak cu

zungzal in a hmun.

20 Cun Bashan siangpahrang Og cu a thah, zeicahtiah a fek mi a dawtnak cu zungzal in a

hmun.

21 An ram cu an ro ca ah a pek hna, zeicahtiah a fek mi a dawtnak cu zungzal in a hmun.

22 A sal Israel kha a ro ca ah a pek, zeicahtiah a fek mi a dawtnak cu zungzal in a hmun.

23 Kan tluk tik ah a kan philh lo, zeicahtiah a fek mi a dawtnak cu zungzal in a hmun.

24 Cun kan ral hna kut in a kan chanh, zeicahtiah a fek mi a dawtnak cu zungzal in a hmun.

25 Saram nung vialte cu rawl a pek hna, zeicahtiah a fek mi a dawtnak cu zungzal in a hmun.

26 Vancung Pathian cu lawmhnak pe tuah u, zeicahtiah a fek mi a dawtnak cu zungzal in a

hmun.